حضرت حسن بن علی رضی اللہ عنہ نہ صرف رسول اللہ ﷺ کے نواسے تھے بلکہ آپ ﷺ نے ان کے بارے میں ایک اہم پیشگوئی فرمائی:
> "میرا یہ بیٹا سردار ہے، اللہ اس کے ذریعے دو عظیم گروہوں کے درمیان صلح فرمائے گا۔" (صحیح بخاری)
یہ پیشگوئی اُس وقت پوری ہوئی جب حضرت حسنؓ نے خلافت سے دستبردار ہو کر حضرت امیر معاویہؓ کے ساتھ صلح کی۔ اس عمل نے اُمتِ مسلمہ میں خونریزی کو روکا اور اتحاد قائم کیا۔ یہ فیصلہ عین نبوی پیشگوئی کے مطابق تھا۔
آج کے دور میں کچھ افراد سوشل میڈیا پر بیٹھ کر حضرت حسنؓ، حضرت حسینؓ اور دیگر جلیل القدر صحابہ کرامؓ کے فیصلوں اور کردار پر سوال اٹھاتے ہیں۔ ہمیں ان فتنوں سے ہوشیار رہنا چاہیے اور یاد رکھنا چاہیے:
> جن صحابہ پر حسنین کریمین نے اعتماد کیا، ہمیں بھی ان پر مکمل اعتماد رکھنا ہے۔
ان شہزادوں کی بہادری، عقل، حلم اور قربانی ہماری تاریخ کا روشن باب ہے، جسے مسخ کرنے کی کوئی کوشش کامیاب نہیں ہو سکتی۔
