'సిటీలో కొట్టేస్తారు, ఊళ్లలో అమ్మేస్తున్నారు - చౌకగా వస్తుందని కొన్నారో బుక్కైపోతారు!

Two-Wheelers Theft in Hyderabad City : గ్రామీణ ప్రాంతాల్లో బైకు లేదా కారు తక్కువ ధరకే దొరకుతుందా? మీరు అనుకున్న ధరకంటే తక్కువకే ఇస్తున్నారా? అయితే తస్మాత్ జాగ్రత్త! ఆ బైక్ చోరీ చేసి విక్రయించిందయి ఉండవచ్చు. లేదా ఏదైనా నేరంలో దాన్ని ఉపయోగించి ఉండొచ్చు. సిటీ పోలీసులు ఇప్పుడు ఇదే విషయం చెబుతున్నారు. తక్కువ ధరకు వస్తుందని తొందరపడి కొన్నారో ఇబ్బందులు తప్పవని హెచ్చరిస్తున్నారు. గత ఏడాది కాలంగా హైదరాబాద్ నగరంలో ద్విచక్ర వాహనాల చోరీలు పెరుగుతున్నాయి. ఇక్కడ చోరీ చేసి గ్రామీణ ప్రాంతాలు, ఇతర రాష్ట్రాల్లో నేరగాళ్లు వాటిని విక్రయిస్తున్నారు. ఏడాది వ్యవధిలోనే 4 వేలకు పైగా బైక్​ చోరీలు జరిగినట్లు పోలీసుల గణాంకాలు చెబుతున్నాయి.