Paddy Procurement in AP : ఆరుగాలం కష్టపడి పండించిన ధాన్యాన్ని అమ్ముకునేందుకు అన్నదాతలు నానా అగచాట్లు పడుతున్నారు. గోదారి జిల్లాల్లో హడావుడిగా కొనుగోలు కేంద్రాలను తెరిచిన అధికారులు ఆశించినంత మేర వడ్లను కొనుగోలు చేయట్లేదు. తేమ శాతం ఎక్కువగా ఉందంటూ కొర్రీలు పెడుతూ రైతులను ముప్పుతిప్పలు పెడుతున్నారు. నిల్వ చేసుకునే స్థలం లేక రోడ్లకు ఇరువైపులా వడ్లు ఆరబెడుతూ ఎప్పుడు కొంటారా అంటూ కర్షకులు కళ్లల్లో ఒత్తులు వేసుకుని ఎదురుచూస్తున్నారు.
