ঢেঁকীয়াপতীয়াৰ মৃতদেহ উদ্ধাৰ বুঢ়াপাহাৰ বনাঞ্চলত

কলিয়াবৰ : কাজিৰঙা ৰাষ্ট্ৰীয় উদ‍্যানৰ বুঢ়াপাহাৰ বনাঞ্চলত উদ্ধাৰ ঢেঁকীয়াপতীয়া বাঘৰ মৃতদেহ । ৰাষ্ট্ৰীয় উদ‍্যানখনৰ বুঢ়াপাহাৰ বনাঞ্চলৰ বাহুবিল বনশিবিৰ এলেকাত উদ্ধাৰ হয় বাঘটোৰ মৃতদেহ। শনিবাৰেই এই বিষয়ে তথ্য় লাভ কৰিছিল যদিও ঘটনাস্থলীত দেওবাৰে পুৱাহে কাজিৰঙা ৰাষ্ট্ৰীয় উদ্যানৰ উপ-বন বিষয়া অৰুণ বিগনেশসহ চিকিৎসকৰ দল উপস্থিত হৈ বাঘটোৰ মৃতদেহটো উদ্ধাৰ কৰি মৰণোত্তৰ পৰীক্ষা সম্পন্ন কৰে ।  উপ-বন বিষয়া অৰুণ  বিগনেশে কয়, "প্ৰায় এবছৰীয়া মতা বাঘৰ পোৱালীটো আন বাঘৰ আক্ৰমণত মৃত্যু হৈছে । বিভাগীয় নিয়ম অনুসৰি বাঘটোক বাহুবিল বনশিবিৰৰ এলেকাত সৎকাৰ কৰা হয় ।" উল্লেখ্য় যে কাজিৰঙা ৰাষ্ট্ৰীয় উদ্যান বৰ্তমান সময়ত এশিঙীয়া গঁড়ৰ লগতে ঢেঁকীয়াপতীয়া বাঘ দৰ্শনাৰ্থীৰ বাবে অন্যতম আকৰ্ষণৰ কেন্দ্ৰবিন্দু হৈ উঠিছে । বিশেষকৈ উদ্যানখনৰ বুঢ়াপাহাৰ বনাঞ্চলত ঢেঁকীয়াপতীয়া বাঘৰ দৰ্শন সুলভ ।লগতে পঢ়ক:পাকে ব্যাঘ্র প্ৰকল্পৰ সমীপত হাতী-মানুহৰ সংঘাত ৰোধৰ বাবে সংস্থাপন হ’ব ANIDER - PAKKE TIGER RESERVEঅৰুণাচলৰ পাকে ব্যাঘ্র প্ৰকল্পত বৃদ্ধি পাইছে বাঘৰ সংখ্যা - PAKKE TIGER RESERVE