కాంగ్రెస్, బీజేపీ ఉమ్మడి నాటకంలో భాగంగానే నోటీసులు : కేటీఆర్‌

KTR Reaction On Notices To KCR : చట్టాలు, న్యాయవ్యవస్థపై తమకు నమ్మకం ఉందని నోటీసులు ఎన్ని ఇచ్చినా ధైర్యంగా ఎదుర్కొంటామని బీఆర్ఎస్ కార్యనిర్వాహక అధ్యక్షుడు కేటీఆర్ అన్నారు. నల్గొండలో ఓ వివాహ వేడుకలో పాల్గొన్న కేటీఆర్ బీఆర్ఎస్ అధినేత, మాజీ సీఎం కేసీఆర్​కు కాళేశ్వరం కమిషన్ నోటీసులు ఇవ్వడంపై స్పందించారు. కాంగ్రెస్, బీజేపీ ఉమ్మడి నాటకంలో భాగంగానే కేసీఆర్​కు నోటీసులు ఇచ్చారని ఆరోపించారు. ప్రజా సమస్యలు గాలికొదిలి ఇలాంటి పనులు చేస్తున్నారని కేటీఆర్​ మండిపడ్డారు. ప్రజాపాలన కాస్తా కమీషన్ల పాలనగా మారిందని విమర్శించారు.