KTR Comments On Musi Renovation : పేదల ఇళ్ల జోలికి వెళ్లకుండానే మూసీని ప్రక్షాళన చేయవచ్చని బీఆర్ఎస్ కార్యనిర్వాహక అధ్యక్షుడు కేటీఆర్ పేర్కొన్నారు. మూసీ ప్రక్షాళన అంటూ వికారాబాద్ అడవుల్లో వనమేధం చేస్తున్నారని మండిపడ్డారు. అడవుల్లో 12 వేల చెట్లు నరికేస్తున్నారని ఆరోపించారు. ప్రక్షాళన పేరుతో హైదరాబాద్లో గృహమేధం సృష్టిస్తున్నారని ధ్వజమెత్తారు. మూసీపై మాజీ మంత్రి కేటీఆర్ పవర్ పాయింట్ ప్రజంటేషన్ ఇచ్చారు. ఈ సందర్భంగా అధికార కాంగ్రెస్పై తీవ్ర స్థాయిలో విరుచుకు పడ్డారు.