Ambati Rambabu on YSRCP Defeat : ఏపీలో మరోసారి జగన్‌మోహన్‌రెడ్డి సీఎం అవుతారనుకున్నామని వైఎస్సార్సీపీ మాజీ మంత్రి అంబటి రాంబాబు అన్నారు. కానీ ఓడిపోయామని చెప్పారు. అలా ఇలా కాదని ఘోరంగా ఓటమి పాలయ్యామని పేర్కొన్నారు. కేవలం 11 సీట్లు మాత్రమే గెలుచుకున్నామని వివరించారు. ఈ సందర్భంగా ఓటమిని ఒప్పుకోవాల్సిందేనని వ్యాఖ్యానించారు. అనకాపల్లి జిల్లా కశింకోటలో శుక్రవారం వైఎస్సార్సీపీ అనకాపల్లి పార్లమెంట్‌ నియోజకవర్గ ఇంఛార్జ్ మాజీ ఎమ్మెల్యే కరణం ధర్మశ్రీ బాధ్యతల స్వీకరణ కార్యక్రమంలో ఆయన పాల్గొని మాట్లాడారు.
