Tulasi Babu Continues as Unofficial MLA in Gudivada Constituency : వైఎస్సార్సీపీ హయాంలో అతడికి అడ్డూ అదుపూ లేదు. సీఐడీ మాజీ చీఫ్, అత్యంత వివాదాస్పద ఐపీఎస్‌ అధికారి పీవీ సునీల్‌కుమార్‌కు నమ్మినబంటుగా వ్యవహరించాడు. అంతేకాదు ప్రస్తుత ఉపసభాపతి రఘురామకృష్ణరాజును సీఐడీ కస్టడీలో చిత్రహింసలు పెట్టిన కేసులో ఆరో నిందితుడుగా ఉన్నాడు. కూటమి ప్రభుత్వం వచ్చాక ఇతడి అరాచకాలకు అడ్డుకట్టపడుతుందని అంతా భావించారు. కానీ గుడివాడ కేంద్రంగా అతడు పేట్రేగిపోవడం అందరినీ విస్మయానికి గురిచేస్తోంది. ఆరేడు నెలలుగా తులసి గ్యాంగ్‌ అరాచకాలతో గుడివాడలో ఇప్పటికే పార్టీకి ఇబ్బందికర వాతావరణం తలెత్తిందన్న అభిప్రాయం వారిలో వ్యక్తమవుతోంది.
