Materialet zgjedhore kanë mbërritur edhe në qytetin e Kukësit, i njohur si bastion i djathtë. Ato janë transportuar nga mjetet e ushtrisë të shoqëruara nga policia e shtetit dhe janë vendosur në KZAZ nr 11, në godinën e prefekturës. Kjo godinë prej një jave ruhet nga forca të shumta policie. Gjatë transportit të materialeve nuk ka pasur probleme. Ende nuk është bërë e qartë vendndodhja e qendrave të votimit. Transporti i materialeve zgjedhore do të bëhet të shtunën mbrëma.