#oranews

Institucionet e Arsimit të lartë publik nuk pasqyrojnë të dhëna mbi të ardhurat dhe shpenzimet duke shkelur vendimin e dy ministrive asaj të Arsimit dhe Financave. Publikimi i aktivitetit financiar ishte kërkesë e studentëve gjatë protestës në muajin dhjetor.

Transparenca financiare e universiteteve ishte një ndër kërkesat që studentët parashtruan protestës së tyre. Qeveria u angazhua ta plotësojë, duke e përfshirë në paktin për universitetin dhe që u pasua nga një urdhër të ministrisë së arsimit, në fund të muajit janar.

Por një pjesë e konsiderueshme e universiteteve nuk i janë bindur këtij vendimi pasi në faqet zyrtare nuk ka të dhëna lidhur me shpenzimet, madje disa prej tyre nuk kanë as programin e transparencës.

Të dhënat e fundit që ka publikuar universiteti i Tiranës i përkasin vitit 2016, ndërsa për vitin 2017 dhe 2018 nuk ka asnjë informacion lidhur me shpenzimet.

Ndërsa në Universitetin e Mjekësisë nuk ka të dhëna për asnjë vit, madje në kategorinë ?Programi i transparencës? gjendet vetëm ?Rregullorja për Mbrojtjen, Përpunimin, Ruajtjen dhe Sigurinë e të Dhënave Personale?.

Ndërkohë Universiteti Bujqësor nuk e ka programin e transparencës dhe në të nuk ka të publikuar asnjë të dhënë.

E njëjta situatë është edhe në Universitetin e Sporteve, në atë të Arteve si dhe në institucionet e rretheve ku ndodhen vetëm emrat e titullarëve dhe adresat e tyre elektronike.

Në vëzhgimin e Ora News rezulton se vetëm Universiteti Politeknik ka të dhëna të detajuara për çdo vit madje edhe për muajin janar të këtij viti.

Pasqyrimi i aktivitetit financiar, sipas ligjit të arsimit të lartë është detyrë e administratorit, mbi të cilin bie edhe përgjegjësia për moszbatimin e urdhrit të dy ministrive.

Në paktin për universitetin parashikohej që kjo kërkesë e studentëve të përmbushej brenda muajit shkurt por mesa duket institucioneve të arsimit të lartë u duhet ende kohë të jenë transparentë me vendimmarrjet financiare.

Për më shumë lexoni në: http://oranews.tv/article/universitetet-kunder-transparences-nuk-publikojne-raportet

Follow Ora News

Subscribe To "Ora News" on YouTube Channel for NEWS HERE: http://bit.ly/2DDddtL

Subscribe To "Ora News" on YouTube Channel for TV Shows HERE http://bit.ly/2sPcqj3

For more content from click HERE www.oranews.tv

Like Ora News on Facebook HERE http://bit.ly/2RkUN4s

Follow Ora News on Instagram Here http://bit.ly/2HBuiID

Follow Ora News on Twitter http://bit.ly/2RhOaQp

Follow Ora News on Google+ HERE http://bit.ly/2TdjAJz