FUSHE KRUJE- Ka qenë e vakët atmosfera festive në qytetin e Fushë-Krujës në natën e ndërrimit të viteve. Në momentin ku akrepat kaluan orën 12 pas mesnate, kanë qenë të pakët fishekzjarret që janë dëgjuar në periferi të qytetit.

Fushë Kruja ishte një ndër vatrat e tërmetit të 26 Nëntorit. Në Thumanë u shënuan 22 viktima ndërkohë që shumë të tjerë mbetën pa banesë, si pasojë e dëmtimeve.Shumë prej tyre nuk kanë ende një strehë mbi kokë dhe e pritën 2020 në çadra dhe palestra me urimin e vetëm për një shtëpi të re.