Report TV - Basha pas takimit me Komisionin e Venecias: Shqipëria në krizë të thellë

TIRANE- Opozita jashtëparlamentare është takuar mëngjesin e sotëm me delegacionin e Komisionit të Venecias, që ndodhet në Tiranë për të mbledhur fakte lidhur me procedurën e emërimit të anëtarëve të Gjykatës Kushtetuese. Takimi ka nisur në orën 8:15 në ambientet e hotel Rogner me kreun e PD, Lulzim Basha, nënkryetarin e LSI, Petrit Vasili, Sekretarin e Përgjithshëm të PD, Gazment Bardhi dhe ish deputetin Oerd Bylykbashi. Pas takimit Basha ka dhënë edhe një deklaratë për mediat.