SARANDË - Prej 4 ditësh kolegë e familjarë të tij e kishin denoncuar të zhdukur, por fatkeqësisht kanë marrë lajmin tragjik të ndarjes nga jeta. Kjo është historia e një doganieri në Qafë-Botë, i cili u gjet i pajetë në një apartament me qira në Sarandë.

Doganieri 63-vjeçar me origjinë nga Fierit, Janaq Rajdho, po kërkohej prej 4 ditësh, pasi as kolegët dhe as familjarët nuk kishin asnjë informacion prej tij. Dyshimet paraprake janë që vdekja të ketë ardhur nga një atak kardiak. Ndërsa mësohet se doganieri vuante edhe nga diabeti.