Orët e para të mëngjesit të sotëm një vjedhje është kryer në qytetin e Patosit. Pre e grabitjes ka rënë subjekti privat ku rreth orës tre të mëngjesit të kësaj të diel grabitësit kanë marrë një shumë të konsiderueshme parashë dhe dy automjetet luksoze. Pronari i subjektit Mehdi Kurteshi tregon se autorët kanë vjedhur 2800 euro, 60 000 lekë të reja si dhe dy automjeteve  të tipit ?Audi?  dhe ?Land Rover " që ishin në pronësi të tij. Ndërkohë në subjekt janë shkaktuar edhe  dëme të shumta materiale. Menjëherë pas ngjarjes shtetasi në fjalë ka bërë denoncimin  në polici duke sqaruar se nuk ka asnjë konfikt të mëparshëm. Sipas dyshimeve të para autorët mund të kenë qënë më shumë se dy persona, ndërsa për të zbardhur ngjarjen e plotë janë marrë pamjet filmike të kamerave të sigurisë.

Medi Kurteshi, pronari i subjektit privat që shiste materiale ndërtimi dhe që u grabit në orët e para të ditës së sotme në Patos rrëfen se i ka ndjerë në një moment autorët, por nuk reagoi duke menduar se zhurmat vinin nga puna e një firme që po kryente punime. Ai thotë se kamerat e sigurisë nuk kanë funksionuar, ndërsa shton se kjo nuk ishte hera e parë që grabitej, por e treta. Report Tv sjell pamjet e kasafortës që autorët shkallmuan duke marrë lekët dhe çelësat e dy makinave ?Audi? dhe ?Range Rover" duke u larguar të pashqetësuar.

"Rreth orës 03:00 erdhën disa grabitës, u futën brenda ambienteve të punës nga dritarja dhe shkatërruan gjithcka, edhe kasafortën që ndodheshin vlera monetare dhe dy çelësave të makinave që sapo i kishim blerë. I kishim lënë në kasafortë për efekt sigurie. Në mëngjes kur u ngrita pashë që cdo gjë ishte e shkatërruar. Unë ndjeva dicka natën, zbrita tre katër shkallë nga kati i katërt dhe qëndrova një moment.