Report TV - Sandër Lleshi drejt emërimit si zv.ministër i Brendshëm?

Në kulmin e luftës kundër kriminalitetit, Shqipëria mund të bëhet vendi i parë në Europë pa ministër të Brendshëm. Mosdekretimi nga ana e Presidentit të Republikës të ministrit të vendosur nga Edi Rama, gjeneralit Sandër Lleshi, nëse nuk do të ketë kthim prapa, mund të shkaktojë një situatë të paprecedentë jo vetëm në Shqipëri.

Zgjidhja që kryeministria po shqyrton ështe emërimi i Sandër Lleshit si zv.ministër i Brendshëm, pozicion që nuk kërkon asnjë dekretim nga presidenti. Burime pranë qeverisë shpjegojnë për Shqiptarja.com se kryeministri Edi Rama, deri tani nuk mendon të propozojë një emër të dytë në vend të Sandër Lleshit, për të mos krijuar një precedent politik të rrezikshëm.