Burime pranë Ministrisë së Mbrojtjes thonë që helikopteri Cougar i FA është i pajisur me kova të posaçme me kapacitet 2500 litra. Po ashtu bëhet me dije se kovat u instaluan në helikopterët e FA dy muaj më parë dhe kanë rritur me 7 herë kapacitetin për përballimin e emergjencave civile.

Prefekti i Qarkut të Fierit, Baki Bala kërkoi më herët përforcime në mënyrë që zjarri të mos përhapet. Paraprakisht dyshohet se zjarri mund të jetë i qëllimshëm.