Subscribe në Ora News këtu http://bit.ly/1s5j7UT
Tirana u trondit mëngjesin e sotëm nga një aksident i rëndë deri tani me dy viktima, njëra prej tyre një vajzë 7 vjeçe.

Në orën 08: 40 shtetasja R. K., ka humbur kontrollin e drejtimit të mjetit me targë AA071UA, duke u përplasur me një biçiklistë dhe më pas me nënën 29 vjeçe dhe 2 vajzat e saja 7 dhe 6 vjeç.

Nga përplasja e tmerrshme ka humbur jetën në vend personi që po lëvizte me biçikletë, Ramazan Isha si dhe vajza 7 vjeçe.

Ndërkohë janë dërguar në spital nëna, V. N., 29 vjeçe dhe vazja e saj E. N., 6 vjeçe.

Nga informacionet e policisë e vogla ndodhet në gjëndje të rëndë shëndetësore dhe aktualisht po u nënshtrohet një ndërhyrjeje kirurgjikale

Skena e aksidentit

Gruaja humbi kontrollin e drejtimit të mjetit, u përplas me biçiklistin, më pas me borëdurën e rrugës dhe më pas me tre këmbësoret nënën me dy vajzat. Mundësitë janë që nëna dhe vajza po kalonin rrugën kur ka ndodhur aksidenti por gjithçka do të sqarohet në orët në vazhdim.

Mjeti dhe drejtuesja ndodhen në vendngjarje, po kryhen veprimet e mëtejshme hetimore" informoi policia e Tiranes.


Për më shumë lexoni në:
http://oranews.tv/article/aksident-i-rende-ne-kamze-dy-te-vdekur-mes-tyre-vajza-7-vjece