TIRANE- Ministri i Financave dhe Ekonomisë Arben Ahmetaj gjatë një bashkëbisedimi me gazetarët deklaroi se Shqipëria ka rritje të qëndrueshme ekonomike dhe është larg skenarit grek. Ai iu përgjigj edhe akuzave nga PD për TVSH-në duke deklaruar se nuk do të jepet me koncesion mbledhja.

Raporti tjetër i BB thotë se Shqipëria ka rritjen më të madhe të pagave. Rritja e pagave më e madhe në raport me vetveten, duhet më shumë të arrijmë rajonin. Nuk ka pasur, nuk ka dhe nuk do të ketë koncesion për TVSH. Procedura që po bëjmë me biznesin e vogël është në favor të formalizimit dhe në favor të biznesit të vogël.