Subscribe në Ora News këtu http://bit.ly/1s5j7UT

Pas një seancë maratonë, Këshilli i Rregullores dhe Mandateve nuk ka arritur të marrë një vendim brenda ditës së sotme për ish-ministrin e Brendshëm, Saimir Tahiri.
Avokati mbrojtës i ish-ministrit kërkoi tre ditë kohë për të përpiluar materialin e mbrojtjes pas njohjes me faktet e reja të organit të akuzës gjatë seancës me dyer të mbyllura zhvilluar pasditen e sotme.
Drejtuesi i Këshillit të Mandateve, Gramoz Ruçi tha se dita e hënë është tepër vonë dhe i la një afat palës mbrojtëse deri të shtunën paradite në orën 10:00.
Deputetët e Partisë Demokratike kundërshtuan si kërkesën e avokatit mbrojtës, ashtu edhe vendimin e drejtuesit të seancës Ruçi, duke kërkuar që të marrin një vendim brenda ditës së sotme.
Deputeti Enkelejd Alibeaj kërkoi që propozimi për zhvillimin e seancës ditën e nesërme të hidhej në votim, por Ruçi refuzoi duke mbyllur edhe mbledhjen e ditës së sotme.
Këshilli i Mandatave nisi mbledhjen rreth orës 11:00 të paradites së sotme, ku Prokuroria e Krimeve të Rënda e përfaqësuesi nga drejtuesi Besim Hajdarmataj dhe prokurorët Elisabeta Ymeraj dhe Gentjan Osmani, publikuan edhe faktet të bëra publikë një ditë më parë që sipas tyre implikojnë Saimir Tahirin në grupin e trafikut të drogës.

Për më shumë lexoni në: http://www.oranews.tv/vendi/keshilli-i-mandateve-vendos-sot-per-saimir-tahirin/