Palët nuk gjejnë dakordësi, vijon ngërçi në Këshillin Politik, Gjiknuri: PD të sjellë propozimet!

Pjesa e dytë e punës në Këshillin Politik ka ngecur pa nisur ende mirë. Palët nuk po gjejnë dakordësinë për ndryshimet kushtetuese dhe vijë e kuqe janë bërë heqja e koalicioneve. PS kërkoi propozime të tjera nga PD në të kundërtën do vijë punën dhe pa miratimin e saj.

Partia Socialiste kërkon që opozita e bashkuar të sjellë disa propozime duke vendosur afat ditën e premte. Propozime të cilat PD nuk ka ndërmend ti paraqesë në tryezë, duke akuzuar mazhorancën se po shkel marrëveshjen e 14 janarit. Gjithsesi, edhe një herë tjetër PS i kujton PD se ka shumicën në Kuvend dhe ndryshimet në kod mund ti kalojë edhe pa dakordësinë e saj.