Report TV - Bulevardi i Ri, vijon rezistenca e banorëve kundër prishjes së banesave

Banorët që preken nga projekti i zgjatjes së Bulevardit të Ri, kundërshtuan policinë me gurë e lopata si formë rezistence për të ndaluar shembjen e banesave. Gjatë ditës së sotme, banorët shprehen se nuk janë kundër shembjes së banesave por ata kërkojnë kompensim sipas çmimeve të tregut. Tensionet e ditës së sotme janë shkaktuar për shkak se banorët janë prerë në besë nga Bashkia e Tiranës, pasi sipas tyre iu ishte paralajmëruar dëmshpërblim.