Braimllari në Report Tv: Rama po paguan kandidatët që të pranojnë mandatin

Ish-deputeti i LSI-së, Endrit Braimllari ka qenë sot në studion e Report Tv ku ka folur lidhur me emërimin e kandidatëve në postin e deputetit, pas vendimit të opozitës për të djëgur mandatet. Ai tha se Edi Rama po paguan kandidatët për të pranuar mandatet.

"Edi Rama e nisi me deformim dhe po e mbyll në mënyrën më të turpshme duke paguar me para deputetë që të pranojnë mandatin e deputetit", tha Braimllari.

Braimllari shpjegoi arsyet pse shkuan drejt djegies së mandateve duke shprehur se Edi Rama ka bllokuar veprimin e opozitës në ccdo strukturë vendimmarrëse duke kujtuar edhe zgjedhjen e kryeprokurores me 69 vota.