Ora News - Gruaja që vrau burrin në mes të tregut flet në gjykatë: Më dhunonte dhe luante bixhoz

Subscribe në Ora News këtu http://bit.ly/1s5j7UT

Gjykata e Kurbinit la në burg 35 vjeçaren Violeta Donaj, gruan që të dielën e kaluar ekzekutoi bashkëshortin në tregun e Milotit. Në seancë, ajo shpërtheu në lot ndërsa tha se burri 42 vjeçar e dhunonte, luante bixhoz dhe pinte alkool. Çështja tashmë do ti kalojë Prokurorisë së Krimeve të Rënda.

Kjo është Violeta Donaj (në foto), 35 vjeçarja që ekzekutoi bashkëshortin, Kujtim Donaj, të dielën e 17 qershorit në tregun e Milotit.

Ajo shpërtheu në lot disa herë në gjykatën e Kurbit që këtë të mërkurë e la në burg pa afat për krimin në familje.

35 vjeçarja tha se ishte penduar, ndërsa u justifikua se ditën që ekzekutoi bashkëshortin me 4 plumba pistolete kishte menduar vetëm për torturat dhe dhimbjen që ai i kishte shkaktuar.

Nëna e dy fëmijëve tha se bashkëshorti e dhunonte, luante bixhoz dhe pinte, ndërsa ai e kishte kërcënuar që të mos e denonconte.

Violeta Dodaj tha para gjykatësit se pistoletën me të cilën vrau burrin e kishin me vetë në makinë ditën e krimit, por nuk tregoi ku e kishin marrë.

Ndërsa duke iu përgjigjur pyetjeve të prokurorit për motivin, ajo tha se disa gjëra nuk donte ti bënte publike.

Për më shumë lexoni në: http://oranews.tv/article/gruaja-qe-vrau-burrin-tregon-ne-gjykate-se-e-keqtrajtonte