Report TV - Fier, gjykata lë në burg tre të rinjtë që tentuan të përdhunonin 13-vjeçaren

Gjykata ka lënë në burg tre të rinjtë, që akuzohen për rrëmbimin dhe tentativën e përdhunimit të 13-vjeçares nga Roskoveci pak ditë më parë. Me kërkesë të prokurores Violeta Shkurti, gjyqtarja Adelina Zarka i la në burg; Redion Tereziun 22 vjeç, Jorges Dostin 24 vjeç dhe Marjus Çalamenin 24 vjeç.

Arrestimi i tyre u bë dy ditë më parë, pasi dyshohet se në bashkëpunim me njëri tjetrin kanë marrë forcërisht një të mitur 13 vjeçe, e kanë çuar në një banesë të pabanuar dhe kanë tentuar që të kryejnë marrëdhënie seksuale me dhunë.