Report TV siguron pamjet e dy personave që rrezikojnë të mbyten në Selenicë të Vlorës

VLORE - Imazhe të frikshme janë ato që vijnë nga Selenica e Vlorës ku dy persona janë në mes të rrugës së përmbytur dhe kërkojnë ndihmë për të shpëtuar. Ka qenë rrjedha e lumit Shushicë e cila ka rrëmbyer furgonin duke e mbuluar në pak sekonda.

Dy persona që udhëtonin në furgon kanë dalë nga mjeti dhe qëndrojnë mbi çatinë e automjetit në pritje të ekipeve të emergjencës për t'u ardhur në ndihmë. Ata ndodhen në rrezik për jetën, ndërsa bëjnë thirrje për ndihmë.

Mësohet se Ministria e Mbrojtjes ka dërguar një helikopter për t'u ardhur në ndihmë pasagjerëve të cilët ndodhen në furgon të bllokuar nga lumi.