Ora News - Shqipëria pritet të marrë eurobond, parashikohet të jetë në vlerën 400-500 mln euro

Subscribe në Ora News këtu http://bit.ly/1s5j7UT

Qeveria shqiptare pritet të dalë në tregun ndërkombëtar për të marrë 400-500 milion euro borxh. Ky fakt është parashikuar në strategjinë afatmesme të borxhit për vitet 2016-2018, ku parashikohet rikthimi i skemës së eurobondit.

Një pjesë e mirë e huasë do të përdoret për të zëvendësuar kreditë ekzistuese, që janë marrë me interesa të larta, si dhe një pjesë për të rinovuar borxhin që maturohet gjatë vitit 2018.

Një tjetër synim për marrjen e eurobondit në tregjet ndërkombëtare, është stimulimi i i bankave të nivelit të dytë në Shqipëri për të kredituar bizneset dhe të interesuarit.

Në raportin e fundit guvernatori i Bankës së Shqipërisë Gent Sejko ka nënvizuar se kreditimi mbetet ende në nivele të ulëta, ndaj dhe strategjia për tiu drejtuar tregjeve të huaja duket se do të sjellë një efekt pozitiv në ekonominë shqiptare.

Për më shumë lexoni në: http://oranews.tv/article/shqiperia-pritet-te-marre-eurobond-parashikohet-te-jete-ne-vleren-400-500-mln-euro