Film Star Ghosh On communist parties : కమ్యూనిస్ట్ పార్టీలపై ప్రముఖ సినీ నటుడు అజయ్ ఘోష్ సంచలన వ్యాఖ్యలు చేశారు. ప్రపంచంలో కమ్యూనిస్టు పార్టీలన్నీ అధికారంలోకి వస్తున్నాయి కానీ భారత్లో పుట్టిన కమ్యూనిస్ట్ పార్టీ మాత్రం అధికారంలోకి రాకపోవడంపై ఆయన ఆవేదన వ్యక్తం చేశారు. హైదరాబాద్ బాగ్లింగంపల్లిలోని సుందరయ్య కళానిలయంలో ఎస్ఎఫ్ఐ, డివైఎఫ్ఐ ఆధ్వర్యంలో భగత్సింగ్ యువజన ఉత్సవాల ముగింపు సభలో ఆయన పాల్గొన్నారు. భగత్ సింగ్ రాజ్గురు, సుఖ్దేవ్ల వర్ధంతి ఉత్సవాల్లో భాగంగా నిర్వహించిన ప్రతిభాపాటవ పోటీలు, క్రీడల్లో విజేతలుగా నిలిచిన యువకులకు అజయ్ ఘోష్ బహుమతులను ప్రధానం చేశారు.
