Mozaikut të partive politike në vend në garën elektorale të 2021 pritet ti shtohen disa subjekte të reja politike. Myslym Murrizi, ka vendosur të shpallë në vjeshte partinë e tij bashkë me kolegët e opozitës se re. Nuk ka ende një emër për partine e tij, por profili tashmë është gati.

?Vjeshta do të fillojë me aktivitet të ngjeshur nga Parlamenti, por edhe dalje në terren me hetimin e listave përkatëse të 140 burrave, grave, zonja dhe zotërive. Gjyqtarë, Prokurorë, hetues dhe oficer të sigurimit të shtetit dhe bashkëpunëtorë të tyre nuk do jenë pjesë e kësaj lëvizje. Kjo parti do të ketë rreth saj ish student dhjetori 90, ish kryetar degësh të Partisë Demokratike , demokrat të zhgënjyer dhe antikomunist.? tha Myslym Murrizi.

Por, pse i duhet vendit një parti e re? Myslmym Murrizi është i mendimit se lëvizjet e reja do sjellin garën në vend, ndërsa paralajmëron se do ndërmarrë një nisme ligjore në Parlament për të zhdukur dhjetëra parti të cilave nuk i dihet as adresa apo në zgjedhjet e shkuara nuk e kanë kaluar as pragun 1 qind.

?Futen në koalicion me dy subjekte të mëdha bëjnë pirueta, i sheh me një palë zgjedhje me njërën pale, si në 21 Janar aleatët e Bashës ishin ne bulevard sot i sheh si anti-Rama, nesër te jesh i bindur pro Rama. Subjekte të tilla që shkojnë për të ruajtur emrat e kryetarëve në listat apo sqetuallat e partive të mëdha unë do propozoj në kod zgjedhor qe të mos ekzistojnë. ?

Deputeti rebel nuk është i vetmi, i cili synon ti ofroje shqiptarëve një alternative te re. Vetëvendosja e Albin Kurtit po mendon për krijimin e një partie në Shqipëri. Drejtuesi i degës së saj në Tiranë Bojken Abazi konfirmon për Top Channel se po shqyrtojnë idenë për krijimin e një subjekt politik ne Shqipëri, por Vetëvendosja është skeptike për hapjen e pjesshme të listave dhe vendosjen e një pragu të ri, pasi sipas tyre alternativave te reja vriten ende pa lindur.?

Ndryshe nga lëvizja me rrënjë nga Kosovë , Nisma Thurrje është e idesë se ndryshimet më të fundit në Kushtetute dhe ligj zgjedhor krijojne terren për partitë e reja. Pano Sako një nga nismëtarët e kësaj lëvizje nuk e fsheh ambicien Thurrjes kur pyetet nga Top Channel për tu bërë pjesë e garës elektorale, me qellim ndikiminin në vendimmarrjen e vendit përmes

vlerave intelektuale dhe njerëzore më të mira. Pranë kësaj lëvizje janë pranë Ralf Gjoni dhe Rudina Hajdari, por nga dy deputetët nuk ka një konfirmim për të ardhmen e tyre politike. Për një pol të tretë ka folur edhe ish kryetari i Aleancës Kuq e Zi, Kreshnik Spahiu, i cili kërkon një bashkim nga te gjitha lëvizjet si brenda dhe jashtë vendit kundër dy partive të mëdha.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me ...