Tashmë Koronavirusi është përhapur edhe në politikë. Ka qenë kryetari i bashkisë Tiranë Erion Veliaj i cili nëpërmjet një postimi në rrjete sociale njoftoi se është prekur nga Covid-19 pasi testi i ka rezultuar pozitiv.


Për ketë arsye ai është izoluar në shtëpi me familjen e tij, në gjendje të mirë shëndetësore ndërsa do të vijojë të ndjek punët e bashkisë në distancë. Top Channel ka mësuar se kontaktet më të afërta të kryebashkiakut janë izoluar gjithashtu, pavarësisht se nuk kanë shfaqur shenja të sëmundjes , ndërsa pjesa tjetër e punonjësve vijojnë normalisht punën nën masa mbrojtëse.

Për të parandaluar përhapjen e sëmundjes ambjentet e Bashkisë së Tiranës u dezinfektuan mëngjesin e kësaj të marte si dhe u realizua hetimi epidemiologjik. Ekipi i Institutit të Shëndetit publik u paraqit pranë institucionit publik për kryerjen e tamponëve ndaj punonjësve të dyshuar.

Edhe deputetët e Parlamentit nuk i kanë shpëtuar sëmundjes infektive. 3 javë më parë ishte prekur deputeti i ri socialist Eljo Hysko, ku pas tamponit të djeshëm rezultoi negativ. Ndërsa nga opozita u konfirmuan pozitiv me Covid 19 deputet Enver Rroshi dhe Ralf Gjoni. Ky i fundit prej 3 ditësh shfaqte shenja të sëmundjes si temperaturë dhe gjendje gripale. Në një status në Facebook ai njofton se do të qëndrojë në izolim total për 14 ditë për të mbrojtur të tjerët, ku si pasojë do të humbë dhe javën më intensive parlamentare të hapjes së listave nga ky virus i padukshëm. Por mbi të gjitha thotë Ralf Gjoni, e rëndësishme është të tregohemi të kujdesshëm në zbatimin e masave mbrojtëse.

Një thirrje për përballimin e kësaj situate shqetësuese e ka dhe presidenti Ilir meta ku i kërkon qeverisë një strategji më efikase dhe transparentë, ndërsa njerëzve u apelon që të respektojnë protokollet shëndetësore, mbajtjen e maskave dhe distancën fizike.presidenti meta uron gjithashtu shërimin sa më të shpejtë të kryebashkiakut Veliaj dhe familjes së tij.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#ErionVeliaj#EljoHysko#TopChannel