Presidenti Ilir Meta gjatë një deklarate për mediat prezantoi 14 pikat e draftit të tij, i cili shprehet se ia ka dërguar palëve politike që më 8 prill dhe dje ua ka paraqitur ambasadorëve të vendeve të BE. Ai tha se gjithçka që kërkon me këtë draft është që vendi të ketë një klimë pozitive dhe të ecet para me integrimin e vendit, ku çdo qershor dhe tetor bëhet provim. Ai tha se nuk ka gjetur asnjë vullnet nga palët politike dhe se shembja e teatrit shënoi rënien e ekzistencës së shtetit ligjor.