Mediu për Report Tv: Duhet organizim brenda opozitës, të afrohen figurat që kanë shkruar historinë.

TIRANË- Kreu i Partisë Republikane, Fatmir Mediu vë theksin në një organizim brenda vetë opozitës, duke kthyer kokën pas në figura historike që i kanë dhënë shumë "të djathtës politike", por të prirur për të qenë më të hapur me figura të reja. Në një intervistë për Report Tv, Mediu shprehet se kur flet për organizim opozitar e ka fjalën për rikthimin e figurave të vjetra opozitare që kanë shkruar historinë, përfshirë këtu edhe ata që kanë pasur qëndrime ndryshe dhe si shembull suksesi u referohet viteve 2001-2005.