Wake Up/ Mjeku Bilgin Sait: Vendimtare koha kur duhet ndërhyrë te të sëmurët me KOVID-19

Përsa i përket përhapjes së koronavirusit, Turqia renditet në vendin e 8-të në botë me më shumë se 120 mijë persona të infektuar. Por përgjatë ditëve të para të majit, autoritetet kanë raportuar një trend në rënie të vdekshmërisë dhe rasteve të reja ndërkohë Presidenti turk, Rexhep Taip Erdogan ka theksuar se vendi do të fillojë me një hapje graduale deri në fund të muajit të shenjtë të Ramazanit, 24 maj. Këtë mëngjes shkuam në Stamboll për të biseduar me doktorin e njohur, Bilgin Sait, specialist i mjekësisë interne, i cili prej 23 vitesh jeton dhe punon në Turqi.
Dr. Bilgin është nga Gjilani i Kosovës dhe i përket pakicës turke, pra mund të themi se është gjysmë shqiptar dhe gjysmë turk. Me Dr. Bilgin, folëm rreth situatës atje dhe si u trajtuan dhe po trajtohen pacientët e sëmurë me KOVID. Kujtojmë se rasti i parë në Turqi është shfaqur me 10 mars dhe doktori i njohur Bilgin Sait na shpjegoi se cila është "formula" e suksesit për kurimin e të sëmurëve që ka rezultuar shumë e suksesshme në Turqi. "Spitali ynë ka pasur një përvojë të jashtëzakonshme. Sëmundja përafërsisht do 12 ditë. Faza e parë virale është 6-8 ditë dhe 90% e pacientëve e kalojnë sëmundjen që në fazën e parë dhe kjo është e vetmja fatmirësi e kësaj sëmundjeje. Ndërkohë një përqindje e vogël e pacientëve pas një qetësimi të rrejshëm hyjnë në "cytokine storm" ose ajo që ne mjekët i themi stuhi e cytokine-s. Ky është rreziku i madh dhe ne këtu kemi ndërhyrë me trajtimin. Kjo sëmundje nuk ka problem virusin por imunitetin tonë. Pra pasoja e këtij virusi është goditja e imunitetit tonë që e çon në over-reaction atë. Dhe ne kemi ndërhyrë për ta stopuar këtë hiper reagim të imunitetit, pra problemi nuk është virusi por imuniteti. Por kjo terapi nuk duhet bërë në fazën e parë të sëmundjes sepse aty vepron imuniteti natyral. Por nuk mund të ndërhysh me trajtimin as kur pacienti është në reaminacion apo në intubim sepse dhe aty është shumë e vonë ndërhyrja. Pra duhet ndërhyrë në fillim të asaj që ne e quajmë "cytokine storm". Observacioni ynë me këtë eksperiencë me pacientët është i shkëlyeshëm."- tha Dr. Bilgin.


Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#WakeUp#TopChannel