"Do të bëjmë të gjithë që kemi planifikuar, nuk e marrim drejtimin e OSBE për të rishpikur OSBE as për të rishpikur mekanizmat, qasjen tradicionale, sepse vërtetë jemi drejtues të organizatës, por është një drejtim që është shumë koordinim me të tjerët dhe vendimmarrje që duhen miratuar patjetër nga të tjerët. Ne kemi disa ambicie, kemi vendosur disa prioritete, kemi qenë të vëmendshëm të mos vendosim prioritete që janë dëshira por të parealizueshme, dhe mendoj që e kemi kapacitetin e duhur të bëjmë diçka edhe për Kosovën, aq më tepër që në Prishtinën zyrtare jam tradhtar dhe në Beogradin zyrtar jam nacionalisti më i rrezikshëm shqiptar", tha Rama.