Dramë në përfundimin e gjykimit për rastin ?TNT?. I pandehuri Toni Trajkovski nuk u paraqit në gjykim sepse u sulmua nga dy persona të panjohur ndërsa po shëtiste me Koce Trajanovskin. Ish-kryetari i Shkupit për Alsat konfirmoi se ishte me Trajkovskin, por tha se nuk i ka parë sulmuesit. Pritet që gjykimi për TNT të përfundojë me aktvendim, përkundër përpjekjeve të të pandehurve dhe avokatëve të tyre për ta prolonguar procesin deri sa i gjithë procesi të rifillojë.