Report TV - Hysi sqaron nenin që nga ngjallur më shumë debat nga pronarët e mediave

Një prej pikave që ka ngjallur më shumë debat nga grupet e interesit për paketën Anti-Shpifje është neni 28, pika 8 ku thuhet se "Kundër vendimit të KA-së mund të bëhet ankim sipas dispozitave të pikës 6 të këtij neni. Ankimi nuk pezullon ekzekutimin e vendimit të Këshillit të Ankesave". Që do të thotë fakti se nëse një portal ankimon vendim, nuk e shmang atë nga shlyerja e detyrimit. Juristja, Vasilika Hysi ka sqaruar se për këtë rast do të zbatohet propocionalitet. Çfarë nënkupton kjo? Hysi sqaroi që për vendosjen e gjobës do të merren parasysh mundësia financiare e portalit, shkelja e bërë, sa herë është bërë përsëritja e shkeljes, që do të përcaktohen nga aktet nën ligjore që do të bëhen.

Megjithatë, diskutimet kanë vijuar dhe disa nga deputetët e mazhorancës kërkojnë përmirësimin e këtij neni. Një prej tyre është Musa Ulqini. Ai ka deklaruar se në këtë nen, Këshillit të Ankesave i jepet pushtet me AMA-s, gjë sipas tij është juridikisht absude sepse KA është institucion në varësi të AMA-së. Për Ulqinin, por edhe për Fidel Yllin, në këtë rast AMA "del jashtë loje".