Më 18 qershor të 2019-ës një zjarr masiv ra në pallatin 12 katësh në lagjen ?Dyli Haxhire? në qytetin e Elbasanit, duke shkaktuar panik tek banorët.Tymi depërtoi nëpër të gjitha katet e këtij pallati, duke lënë të bllokuar banorët. Vetëm ndërhyrja e helikopterit, bëri të mundur nxirrjen e banorëve nga shtëpitë e tyre. Këta të fundit denoncojnë në ?Stop? mungesën e sistemit të ajrimit dhe të hidrantëve. Për këtë rast, Bashkia Elbasan ka mbajtur edhe një relacion. Mustafa Arapi, Përgjegjës i Emergjencave Civile, Prefektura Elbasan thotë, se është ngritur edhe një komision për të gjitha dëmet e shkaktuara. Ndërsa Taulant Sinani, Drejtor i Emergjencave Civile, Bashkia Elbasan thotë, se me vendim të këshillit bashkiak, familja e dëmtuar, do të marrë 11 milionë lekë dëmshpërblim.Jo vetëm kaq! Të dy zyrtarët thonë, se do të kontrollohen objektet për zbatimin e kushteve të projektit, që këto situata të mos përsëriten.