Protestuesit e Fierit me dy gishta në seancë, ish-deputeti Baçi debate me policët

Nën masa të forta të policisë, u mbajt në Gjykatën e Fierit, seanca për të caktuar masat e sigurisë për 4 protestuesit e arrestuar gjatë tubimit të organizuar nga Partia Demokratike në Fier dhe në Roskovec, për të penguar vizitën e kryeministrit Rama në këtë qark.

Behar Xhelo, Besnik Jaupaj, Gëzim Balla dhe Hysen Hoxha, do të njihen me masën e sigurimit personal.

Në seancë ka tentuar të futet edhe kryetari i Partisë Demokratike të Fierit, Luan Baçi. Por policia bllokoi hyrjen në Gjykatë. Sipas një video që shfaq debatin e Baçit me efektivët para gjykatës, punonjësit e policisë i janë drejtuar Luan Baçit me fjalët: Merr leje nga drejtuesit tanë. Merr kontakt me shefin dhe pyete!