TIRANË- Kryetarja e Lëvizjes Socialiste për Integrim, Monika Kryemadhi me anë të një deklarate për shtyp lidhur pretendimet mbi falsifikimin e firmës së sekretarit amerikan të shtetit për të vijuar punimet në lotin nr.1 të segementit të Unazës së Re. (LEXO KËTU)

Kryemadhi i ka bërë thirrje Prokurorisë që të nisë hetimet lidhur me projektin e Unazës së Madhe pasi provat janë të mjaftueshme.

Pronar banorët e Unazës së Re nuk i bën as Artan Lame, as Afrim Qëndro, as Erion Veliaj dhe as Edi Rama. I ka bërë ligji i vitit 2006, të cilin ne si politikë e kemi shkelur me të dyja këmbët. Prokuroria e ka veprën penale dhe nuk ka çfarë pret për të filluar hetimet. Prokuroria ka përpara korrupsionin e tenderit, dokumente të falsifikuara, prandaj nuk mbetet gjë tjetër që të tregojë angazhimin e saj për të treguar që ne kemi bërë reformë në drejtësi.

Monika Kryemadhi, kryetare e LSI-së
Autoriteti Rrugor Shqiptar deklaroi ditën e sotme se ndërpreu punimet në lotin Nr.1 të segmentit të Unazës e Re deri në sqarimin e pretendimeve të bëra mediatike për falsifikim dokumentacioni nga kompania ?DH Albania shpk?. Gjithashtu ARRSH njoftoi se nëse autoritetet amerikane do të konfirmojnë pretendimet për falsifikime dokumentacioni nga kompania, kontrata do të zgjidhet në mënyrë të njëanshme dhe do të ndiqen procedura të tjera tenderimi.