Subscribe në Ora News këtu http://bit.ly/1s5j7UT

Reshjet intensive të shiut që kanë përfshirë vendin shkaktuan probleme gjatë natës në disa akse. Në Torovicë të Lezhës u regjistruan sërish rrëshqitje gurësh nga Mali, sikurse edhe në rrugën Elbasan-Librazhd. Një pjesë e Gjirokastrës u përmbyt si pasojë e daljes nga shtrati të përroit të Çullos.

Rrëshqitja e gurëve nga mali i Torovicës mbetet rrezik për tragjedi.

Rrëshqitja e dy shkëmbinjëve ndodhi sot jo shumë larg zonës së banuar, ku të enjten dy gurë të tjerë përfunduan pranë banesës së një familje me 5 anëtarë.

Situata ka vënë në alarm Emergjencat Civile në Prefekturën e Lezhës, të cilët pas verifikimeve kërkuan ndërhyrje urgjente.

Ndrek Mhillaj: Ne po bëjmë kërkesa të vazhdueshme dhe kërkesën konkrete për ndërhyrjen në të gjitha dimensionet e saj.

Gjatë natës rrezik pati edhe në aksin Elbasan-Librazhd.

Rrëshqitja e gurëve dhe dherave pranë kthesës së Murrashit bllokoi lëvizjen, që u hap vetëm në mëngjes pas ndërhyrjes nga Emergjencat Civile.

Për më shumë lexoni në: http://www.oranews.tv/article/shofere-kujdes-ne-rruge-rreshqitje-guresh-ne-torovice-dhe-elbasan-librazhd