Report Tv - 29-vjeçari nga Vlora zhduket prej 5 ditësh, nëna dhe kushëriri apelojnë për ndihmë

Një 29-vjeçar është zhdukur prej 5 ditësh duke humbur kontaktet me familjen. Ai është Kleant Çela. Në momentin që është larguar nga banesa ka lënë një letër për familjen dhe të fejuarën, ndërsa nënës i ka thënë se do të shkoj në spital, pasi 'kam probleme me kurrizin dhe do të vizitohem'.

Disa minuta, pasi doli nga banesa me makinën e tij tip 'Benz' me targa AA 514 MP, paraditen e 15 majit, nëna Mbaresa Çela tregon se e ka marrë në telefon, ndërsa ai i ka thënë se është në spital. Por herën e dytë që nëna e ka marrë ai nuk e ka hapur më telefonin duke e fikur.