Chehre Pe Mere Zulf Ko Phailao with Lyrics (Amjad Islam Amjad) - Urdu Poetry by RJ Imran Sherazi

chehre pe mere zulf ko phailao kisi din
kya roz garajatay ho baras jao kisi din

razon ki tarah utaro mere dil main kisi shab
dastak pe mere hath ki khul jao kisi din

pairon ki tarah husn ki barish main naha lun
badal ki tarah jhoom ke ghir aao kisi din

Khushbu ki tarah guzro mere dil ki gali se
phoolon ki tarah mujh pe bikhar jao kisi din

phir hath ko khairat mile band-e-qaba ki
phir lutf shab-e-visl ko dohrao kisi din

guzaren jo mere ghar se to ruk jayen sitare
is tarah meri rat ko chamkao kisi din

main apani har ik sans usi rat ko de doon
sar rakh k mere seenay pe so jao kisi din

Poet: Amjad Islam Amjad
Voice: Imran Sherazi