Kariya-e-Jaan Mein Koi Phool Khilanay Aye with Lyrics (Parveen Shakir) - Urdu Poetry by RJ Imran Sherazi

kariya-e-jan main koi phul khilne aye
wo mere dil pe naya zakhm lagane aye

mere wiran darichon main bhi khushbu jage
wo mere ghar k dar-o-bam sajane aye

us se ik bar to ruthun main usi ki manind
aur meri tarah se wo mujh ko manane aye

isi kuche main kai us k shanasa bhi to hain
wo kisi aur se milne k bahane aye

ab na puchungi main khoye hue khwabon ka pata
wo agar aye to kuch bhi na batane aye

zabt ki shahar-panahon ki mere malik khair
gam ka sailab agar mujh ko bahane aye

Poet: Parveen Shakir
Voice: Imran Sherazi