Report TV - Pensionet e vjetra rriten deri në 54 mijë lekë, ja kush përfiton

Rriten me 1400-5400 lekë (të reja) të gjitha pensionet e caktuara nga viti 1993 deri në vitin 1996. Qeveria ka miratuar vendimin për ?Ngushtimin e diferencave në masën e pensioneve, i cili rrit përfitimet për mijra të moshuar që janë sot në pension. Në këtë mënyrë përfitimi minimal që do të marrin ata të moshuar që u është caktuar pensioni mes kësaj periudhe është 14 mijë lekë, ndërsa përfitimi maksimal do të jetë 23 600 lekë. Janë 6 kategori që u rritet pensioni, ku më shumë përfitojnë ata të moshuar që u është caktuar pensioni në vitin 1996. Në këtë mënyrë rriten të gjitha pensionet e ulta

Kategoritë që rriten
Pensionet e plota të pleqërisë, të caktuara në periudhën 1.10.1993 deri në 31.12.1996 dhe që vazhdojnë të paguhen pas datës 31.3.2016, ndryshohen, si më poshtë vijon:
-Pensionet e plota të pleqërisë, të caktuara në periudhën nga 1.10.1993 deri në 31.12.1993, me masë pensioni në këtë periudhë nga 1 401 lekë deri në 2 474 lekë në muaj, shtohen me shuma fikse, duke arritur në masën 14 085 lekë deri në 23 640 lekë në muaj.

-Pensionet e plota të pleqërisë, të caktuara në periudhën 1.1.1994 deri në 30.9.1994, me masë pensioni në këtë periudhë, pas rillogaritjes sipas ligjit nr.9588, datë 25.7.2006, ?Për rillogaritjen e pensioneve?, nga 2 175 lekë deri në 3 840 lekë në muaj, shtohen me shuma fikse, duke arritur në masën 14 088 lekë deri në 23 640 lekë në muaj.