ఏథర్ 450 ఎక్స్ కలెక్టర్ ఎడిషన్ డెలివరీలు ఎవరికో తెలుసా ?

ఏథర్ ఎనర్జీ అనేది బెంగళూరుకు చెందిన ఎలక్ట్రిక్ టూ-వీలర్ స్టార్టప్ కంపెనీ. ఈ కంపెనీ తన 450 ఎక్స్ కలెక్టర్ ఎడిషన్‌ను 'సిరీస్ 1' అని పిలుస్తోంది. ఏథర్ 450 ఎక్స్ కలెక్టర్ ఎడిషన్, లిమిటెడ్-రన్ మోడల్‌గా ఉంటుంది. ఇది 2020 జనవరి 28 న లాంచ్ చేయబడింది. ఈ ఎలక్ట్రిక్ స్కూటర్‌ను ముందుగా బుక్ చేసుకున్న వినియోగదారులకు ప్రత్యేకంగా అందించబడుతుంది.

‘సిరీస్ 1' ఏథర్ 450 ఎక్స్ కలెక్టర్ ఎడిషన్ ఎలక్ట్రిక్ స్కూటర్ అనేక కాస్మొటిక్ చేంజెస్ కలిగి ఉంటుంది. వీటి వల్ల ఇది చాలా ప్రత్యేకమైనదిగా కనిపించడమే కాకుండా, మిగిలిన వాటితో పోటీ పడటానికి సహాయపడుతుంది. ఏథర్ 450 ఎక్స్ యొక్క స్పెషల్ ఎడిషన్ వెర్షన్ టింటేడ్ ట్రాన్సలూసెంట్ బాడీ ప్యానెల్స్‌తో వస్తుంది.