Rreth 80 biznese janë mbyllur në Vlorë për shkak të situatës nga pandemia COVID-19. Kreu i Dhomës së Tregtisë në qytetin bregdetar, Arben Breshani konfirmon se situata në biznese mbetet e vështirë.

Më të goditura kryesisht janë biznesit e vogla. Ndërsa për rigjallërimin e ekonomisë, sytë sipas tij janë nga turistët e huaj, por situata nuk duket pozitive për shkak të mbylljes së kufijve dhe mungesës së lëvizjes. Për sa i përket një vale dhe mbyllje të dytë të vendit, Breshani shton do të ishte katastrofike për bizneset.