Pas ditëve të agjërimit, besimtarët myslimanë festuan sot Fitër Bajramin. Ndryshe nga një vit më parë ata nuk u mblodhën në sheshet kryesore të qytetit, por nëpër xhamitë e lagjeve duke zbatuar protokollet e shëndetësisë. Në Tiranë falja u organizua në Xhaminë e Kokonozëve tek Pazari i Ri.

Në Korçë, besimtarët myslimanë e falën namazin në xhaminë e Iljaz bej Mirahorit. Numri i lartë i besimtarëve si brenda ashtu edhe në ambientet e jashtme të xhamisë e bëri të pamundur respektimin e protokollit të sigurisë, për distancën mes njëri-tjetrit.

Edhe në Lushnje për shkak të numrit të lartë të besimtarëve falja është bërë në ambientet brenda dhe jashtë xhamisë së qytetit.

Në Durrës, imami i xhamisë uroi begati e mirësi dhe i ftoi të luteshin që pandemia Covid-19, e cila i kufizoi gjatë muajit të Ramazanit për të kryer ritet fetare në xhami, të largohej.

Në Elbasan ka qenë e pamundur që të përballohet fluksi i besimtarëve nëpër xhami. Ndaj janë shtruar tapete jashtë tyre.

Pas faljes në xhami, besimtarët janë drejtuar drejt banesave të tyre për drekën e Fitër Bajramit. Emri Fitër Bajram vjen pasi myslimanët para ditës së Bajramit shpërndajnë lëmoshë dhe solidarizohen me të varfrit.

Tv Klan


SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/