Anti-KÇK, Sulaj: Bankat nuk janë në filtër të plotë, me qindra llogari mund të riciklohen nga krimi

Nënkryetari i Partisë Republikane, Bledi Sulaj tha se akti normativ i qeverisë për luftën kundër krimit dhe sekuestrimin e pasurive të kriminelëve ka dy anë: show-n mediatik dhe arritjen e fryteve, por që kjo e para po mbizotëron gjatë aksionit. Përballë gazetarit Denis Minga në '45 minuta', Sulaj tha se sot sistemi bankar nuk është në filtër të plotë dhe se janë me qindra llogari bankare të personave që nuk jetojnë më që mund të përdoren për riciklim nga paratë e pista të krimit. Sulaj tha se tashmë krimi i legjitimon paratë përmes bankave në nivelit të dytë dhe këtu duhet të ndërhyjë policia e shtetit dhe të gjitha institucionet nëse kërkojnë që të godasin pasuritë e krimit.