Tre kandidatët për kreun e SPAK në pyetje para KLP-së: Agresiv me krimin e korrupsionin

Tre kandidatët për kruen e SPAK kanë prezantuar këtë të mërkurë platformat e tyre pranë këshillit të lartë të prokurorisë për mënyrën se si ata mendojnë të drejtojnë SPAK, si të krijojnë marrëdhënie me byronë kombëtare të hetimet dhe duke sjellë eksperiencat e tyre ndër vite. I pari që nisi prezantimin ishte Altin Dumani i cili u shpreh se nëse përzgjidhet në krye të SPAK ai do të nis nga puna duke hetuar krimin dhe korrupsionin si cështje kryesore.I pyetur për ndarjen e dosjeve të SPAK ndër prokurorët, Dumani tha se ajo do të jetë transperente nëpërmjet shortit. Tek dobësitë e tij prokurori me mbi 20 vite karrierë dhe i dosjeve të nxehra përmendi menaxhimin e kohës ku sipas Dumanit kur ai futet në brendësi të hetimeve harron sensin e kohës jo vetëm për familjen por duke privuar edhe vartësit.

I dyti që prezantoi platformën ishte drejtuesi aktual i njësisë së dekriminalizimit përzgjedhur si anëtar i SPAK, prokurori Arben Kraja. Për Krajën SPAK sdo të jetë funksional nëse nuk mbështetet me financa si dhe të krijohet shpejt BKH. Ndalur tek pavarësia e prokurorëve Kraja u shpreh se rrogat e SPAK sdo duhet ti caktojë qeveria por me një ligj pasi kështu cenohet pavarësia, por theksoi se ai si ka borxh askujt faktin që është përzgjedhur në SPAK. Por teksa Kraja prezantonte vizionin, drejtuesi i KLP-s Ibrahimi i kërkoi të përshpejtoj pasi në mungesë të një salle plenare do duhej ti lironin ambientet KLGJ-s e cila sot përzgjedh gjyqtarët e gjykatës speciale kundër krimit e korrupsionit.