Një pallat në Durrës është fundosur më shumë se një kat nën dhe, si pasojë e lëkundjeve të forta të tërmetit që tronditën sot vendin me epiqendër shumë pranë Durrësit.

Pallati i fundosur është në lagjen nr.6 të Durrësi, ku në të janë shpëtuar dy persona të cilët janë dërguar në spital. Burime për Report Tv bëjnë me dije se nga ky pallat i zhytur nën dhe është arritur të komunikohet me dy prej personave që janë brenda, ndërsa dyshohet se nën rrënoja janë edhe dy të tjerë.