Nënkryetari i PD, Edmond Spaho në një deklaratë për gazetarin e Report tv Aldo Kozarja deklaroi se procesi i votimit ka qenë i qetë pavarësisht provokimeve nga ana e PS. Ai tha se njerëzit janë detyruar të dalin në votime duke u kërcënuar se do të hiqen nga puna ose do t'u hiqet kempi.

"Nëse shqiptarët që punojnë në administratë nuk votojnë sot i heqin nga puna, i hiqet edhe kempi. Sipas të dhënave që kemi ne qytetarët kanë refuzuar të votojnë. Nuk e them se zgjedhjet nuk janë të qeta pasi nuk ka incidente. I kemi porositur të të gjithë të mos bien pre e provokimeve. Po regjistrohen emrat, telefonat, njerëzit që do sjellin", tha Spaho.